Դեկտեմբերի 2-ին սպասվող իրադարձությունները
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ դեկտեմբերի 2-ին, Աբովյան քաղաքում ՀՀ վարչապետ Նիկոլ Փաշինյանը կմասնակցի ադամանդագործական ընկերության նոր արտադրամասի բացման արարողությանը:
Պաշտոնական այցով Հայաստան կժամանի Հորդանանի Հաշիմյան Թագավորության արտաքին գործերի և արտագաղթյալների նախարար Այման Ալ Սաֆադին:
ՀՀ աշխատանքի և սոցիալական հարցերի նախարարությունը մարզերում իրականացնում է աղքատության հաղթահարման նոր ծրագիրը: Նախարարի տեղակալ Ժաննա Անդրեասյանը, հրավիրված մամուլի ասուլիսում կներկայացնի մանրամասներ:
Երևանում կանցկացվի երիտասարդական համաժողովը, որտեղ տեղական ու միջազգային կազմակերպությունները կներկայացնեն աշխատաշուկայում երիտասարդների զբաղվածությանը վերաբերող իրավիճակը:
Հայաստանում Ֆրանսիայի դեսպանությունում կկայանա «RINArmenia» նախագծի շնորհանդեսը:
Ազգային գրադարանում Հայաստանի գրողների միության հիմնադրման 85-ամյակի կապակցությամբ՝ կբացվի գրականության ցուցադրություն: Կներկայացվեն Հայաստանի գրողների միության տարբեր տարիների նախագահների ստեղծագործությունները:
Հովհաննես Թումանյանի անվան պետական տիկնիկային թատրոնում կամփոփվեն «Կողք կողքի» երաժշտական ներառական փառատոնի արդյունքները:
ԱՄԷ հիմնադրման 48-ամյակին առթիվ ՀՀ-ում Արաբական Միացյալ Էմիրությունների դեսպանը կազմակերպում է ընդունելություն:
Ալ.Սպենդիարյանի անվան օպերայի և բալետի ազգային ակադեմիական թատրոնում Թաթուլ Ալթունյանի անվան երգի-պարի պետական վաստակավոր անսամբլի կատարմամբ կներկայացվի Հ.Թումանյանի «Անուշ» պոեմի երաժշտական ներկայացումը՝ կոմիտասյան մեղեդիներով:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում