Նոյեմբերի 28-ին սպասվող իրադարձությունները
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ նոյեմբերի 28-ին, Կառավարությունում կկայանա գործադրի հերթական նիստը:
Ազգային ժողովում կանցկացվի խորհրդաժողով՝ «Հայաստանում սոցիալական գովազդի ինստիտուցիոնալ կայացման միջոցով հանրային քաղաքականությունների եւ սոցիալական երկխոսության բարելավում» թեմայով:
Երևանում կկայանա ԵԱՏՄ բարձրագույն հաշվեքննիչ մարմինների կոլեգիայի համատեղ նիստը։
«Մատենադարանի երիտասարդ գիտաշխատողների միավորում»-ը կազմակերպում է երիտասարդական 5-րդ գիտաժողովը, որն այս տարի նվիրված է Մաշտոցյան Մատենադարանի հիմնադրման 60-ամյակին:
Այսօր կմեկնարկի «Հայաստան» համահայկական հիմնադրամի «Հեռուստամարաթոն 2019»-ը:
Հայաստանի ազգային գրադարանում աշխատանքը կսկսի «Հայ մամուլի դերը ազգային արժեհամակարգի ձևավորման և պահպանման գործում» թեմայով երկօրյա գիտաժողովը:
Ի՞նչ է կատարվում հայկական ֆուտբոլում: Ո՞րն է ելքը ստեղծված իրավիճակից: Հրավիրված ասուլիսում այս և այլ հարցերին կանդրադառնան «Լեգալ սպորտ» ֆուտբոլային գործակալության ներկայացուցիչները:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում