Նոյեմբերի 25-ին սպասվող իրադարձությունները
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ նոյեմբերի 25-ին, լրագրողների հետ կհանդիպի ԱԺ «Իմ քայլը» խմբակցության ղեկավար Լիլիթ Մակունցը: Նա անդրադարձ կկատարի ԱՄՆ կատարած այցին:
Ազգային ժողովում կկայանա տարածաշրջանային եւ եվրասիական ինտեգրման հարցերի մշտական հանձնաժողովի նիստ: Նախատեսված է նաև արտաքին հարաբերությունների մշտական հանձնաժողովի նիստը:
Միգրացիոն ծառայությունը, «Փախստականի ձայնը» հասարակական կազմակերպությունը մանրամասներ կներկայացնեն Ադրբեջանից բռնագաղթած և անօթևան մնացած ընտանիքների բնակարանային ապահովման ծրագրի վերաբերյալ:
ՄԱԿ-ի գրասենյակում կանցկացվի ասուլիս՝ նվիրված Կանանց և աղջիկների նկատմամբ բռնության դեմ անցկացվող միջոցառումներին։ Ներկա կլինի ՀՀ աշխատանքի և սոցիալական հարցերի նախարար Զարուհի Բաթոյանը:
Երևանում իր աշխատանքները կսկսի հայ-ղազախական հարաբերություններին նվիրված գիտաժողովը:
Կոմիտասի անվան կամերային երաժշտության տանը կկայանա կոմպոզիտոր Ռոբերտ Ամիրխանյանի ծննդյան 80-ամյակին նվիրված՝ «Տարիների սիրված երգեր» խորագրով երեկո:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում