Մարմնամարզիկները դուրս են եկել գավաթի խաղարկության եզրափակիչ
11:10, 22 Նոյեմբեր 2019
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամները հաջող են մեկնարկել աշխարհի գավաթի խաղարկության հերթական փուլում:
«Արմենպրես»-ի հաղորդմամբ` գերմանական Կոտբուս քաղաքում ընթացող գավաթի խաղարկության առանձին վարժություններում Հայաստանի 3 ներկայացուցիչ դուրս են եկել եզրափակիչ: Օղակների վարժությունում Արթուր Ավետիսյանը գրավել է 4-րդ տեղը, Վահագն Դավթյանը` 8-րդը, նժույգթափերում Հարություն Մերդինյանը 7-րդն է:
Գավաթի խաղարկությունը վարկանիշային է Տոկիոյի 2020 թվականի Օլիմպիական խաղերի համար: Մարմնամարզության հավաքականի կազմում խաղերի ուղեգիր է նվաճել Արթուր Դավթյանը:
Բաժանորդագրվեք մեր ալիքին Telegram-ում