Ժամանակը Երևանում՝ 11:07:36,   15 Դեկտեմբեր

Իսրայելի նախագահը Կնեսետին երեք շաբաթ Է տվել կառավարություն ձեւավորելու համար

Իսրայելի նախագահը Կնեսետին երեք շաբաթ Է տվել կառավարություն ձեւավորելու համար

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Իսրայելի նախագահ Ռեուվեն Ռիվլինը խորհրդարանի պատգամավորներին 21 օր Է տվել կոալիցիոն կառավարություն ձեւավորելու փորձի համար այն բանից հետո, երբ դա անելու հարցում անհաջողության մատնվեցին «Կահոլ-Լավան» ընդդիմադիր դաշինքի առաջնորդ Բենի Գանցը եւ վարչապետ Բենիամին Նաթանյահուն, տեղեկացնում Է «Արմենպրես»-ը:
Երուսաղեմի իր նստավայրում հատուկ արարողության ժամանակ նախագահը պաշտոնապես Կնեսետի խոսնակ Յուլյա Էդելշտեյնին հայտնել Է, որ ո՛չ Նաթանյահուին, ո՛չ Գանցին չհաջողվեց ձեւավորել նախարարների կաբինետ, ուստի այժմ այդ խնդիրը դրվում Է Կնեսետի պատգամավորների վրա:
«Դա նշանակում Է, որ, օրենքի համաձայն, սկսած այսօրվանից, 21 օրվա ընթացքում հաջորդ կառավարության ձեւավորման որոշումը դրվում Է Կնեսետի պատգամավորների վրա… Դա լուրջ փորձության ժամանակ Է Իսրայել պետության համար: Այդ 21 օրվա ընթացքում դուք չեք ներկայացնելու ձեր դաշինքներն ու կուսակցությունները, դուք պատասխանատու եք լինելու ձեր խղճի առջեւ, ձեզ հարկ կլինի պատասխանել միան մեկ հարցի՝ որն Է իմ պարտքն Իսրայել պետության հանդեպ»,-ասել Է նախագահը Երուսաղեմի իր նստավայրում կայացած հատուկ արարողության ընթացքում, որին ներկա Է եղել Կնեսետի խոսնակը:
Իսրայելի համար պատմականորեն աննախադեպ Է այն իրադրությունը, երբ կառավարություն կազմելու իրավունքն անցել Է Կնեսետի պատգամավորներին, հաղորդել Է ՌԻԱ Նովոստին:



youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ