ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի պաշտպանության նախարար Հուլուսի Աքարը հայտարարել Է Սիրիայի հյուսիսում 145 կիլոմետր երկարությամբ եւ 30 կիլոմետր լայնությամբ անվտանգության գոտու ստեղծման մասին, տեղեկացնում Է «Արմենպրես»-ը:

«Խաղաղության ակունք» գործողության շրջանում շարունակվում են գրոհները արեւելքից ու արեւմուտքից: Դրանց կախման համար մենք բանակցություններ ենք վարում ռուս գործընկերների հետ»,-նշել Է նա:

Սիրիայում զինված հակամարտությունը շարունակվում Է արդեն ավելի քան ութ տարի: Իրադրությունը սրվեց հոկտեմբերի սկզբին, երբ Թուրքիան հայտարարեց «Խաղաղության ակունք» գործողությունն սկսելու մասին, որն ուղղված Էր քրդական ջոկատների դեմ:

Մի քանի օր անց ԱՄՆ-ի հետ ձեռք բերված պայմանավորվածությամբ Անկարան դադարեցրեց մարտական գործողությունները Սիրիայի արեւելքում, որպեսզի քրդերը կարողանային դուրս բերել իրենց կազմավորումները: Բացի այդ, կողմերը պայմանավորվել են Սիրիայի հետ սահմանում 444 կիլոմետր երկարությամբ վերահսկվող անվտանգության գոտու ստեղծման շուրջ, հաղորդել Է ՌԻԱ Նովոստին: