Ժամանակը Երևանում՝ 11:07:36,   4 Ապրիլ

Քիմ Քարդաշյանը ՀՀ վարչապետին հայտնել է ՀՀ-ում բիզնես սկսելու մտադրության մասին

Քիմ Քարդաշյանը ՀՀ վարչապետին հայտնել է ՀՀ-ում բիզնես սկսելու մտադրության 
մասին

ՄԻԼԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ։ Աշխարհահռչակ հեռուստաաստղ Քիմ Քարդաշյանը ՀՀ վարչապետ Նիկոլ Փաշինյանի հետ հանդիպմանն ասել է, որ մտադիր է Հայաստանում ներդրում կատարել և բիզնես սկսել։ Ինչպես հաղորդում է «Արմենպրես»-ը, Միլանում Միջազգային քաղաքագիտության իտալական ինստիտուտում այս մասին ասաց ՀՀ վարչապետ Նիկոլ Փաշինյանը։

«Քիմ Քարդաշյանը վերջերս Հայաստան էր այցելել։ Այս անգամ  նա Հայաստան էր այցելել  իր 4 երեխաներին հայկական եկեղեցում կնքելու համար։ Ցավոք, Քանյեն չէր եկել։  Ես հանդիպեցի նրա հետ և նա ասաց, որ մտադիր է Հայաստանում բիզնես սկսել և ներդրում կատարել։  Ես կարծում եմ, որ սա շատ լավ նորություն է։ Մենք հույս ունենք, որ Քիմ Քարդաշյանը Հայաստանում ոչ միայն հեռուստաաստղ կհամարվի, այլ նաև ներդրող, ինչը Հայաստանում ներդրումներ կատարելու լավ գովազդ կլինի»,- ասաց Նիկոլ Փաշինյանը։

Քարդաշյանը Հայաստան էր այցելել իր չորս երեխաների, քրոջ՝ Քորթնիի և նրա երեք երեխաների հետ: Հոկտեմբերի 7-ին նրանք իրենց երեխաներին մկրտել են Մայր Աթոռ Սբ Էջմիածնում: Քարդաշյանը հոկտեմբերի 8-ին ելույթ է ունեցել Տեղեկատվական տեխնոլոգիաների համաշխարհային համաժողովին՝ WCIT 2019-ին: Նա այցելել է Հայոց ցեղասպանության Ծիծեռնակաբերդի հուշահամալիր, Գառնու հեթանոսական տաճար: 

Քիմ Քարդաշյանն ամուսնու՝ Քանյե Վեսթի, քրոջ՝ Քլոե Քարդաշյանի և զարմուհիների հետ առաջին անգամ Հայաստան է այցելել Հայոց ցեղասպանության 100-րդ տարելիցի տարում՝ 2015թ. ապրիլին, եղել Ծիծեռնակաբերդի հուշահամալիրում, հարգանքի տուրք մատուցել զոհերի հիշատակին։ 





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ