ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:

Այսօր՝ նոյեմբերի 19-ին,  ՀՀ ԱԺ-ում կշարունակվի հերթական նիստը:

ՀՀ ԳԱԱ-ում կկայանա «Ցեղասպանության հետևանքով հայ ժողովրդի կորուստների և հատուցման կառուցակարգերի մեթոդաբանական հիմքերը» մենագրության շնորհանդեսը:

Տուրիզմի հայկական ֆեդերացիայի նախագահ Մեխակ Ապրեսյանը, հրավիրված ասուլիսում, կներկայացնի  զբոսաշրջային ցուցանիշները, կանդրադառնա հայկական շուկա նոր ավիափոխադրողներ մուտք գործելու հնարավոր ազդեցությանը զբոսաշրջության վրա:

Երևանում կանցկացվի աշխատաժողով՝ Հայաստանում նախնական և միջին մասնագիտական կրթության վերաբերյալ: Կմասնակցեն պետական կառույցների ու միջազգային կազմակերպությունների ներկայացուցիչներ:

Կոմիտասի անվան կամերային երաժշտության տանը կանցկացվի համերգ՝ նվիրված քանդակագործ Արթո Չագմաքչյանի հիշատակին:

Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում: