ԿԺԴՀ-ի առաջնորդը ներկա Է եղել երկրի օդուժի զինավարժանքներին
10:08, 18 Նոյեմբեր 2019
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Հյուսիսային Կորեայի ղեկավար Կիմ Չեն Ունը երկրի ռազմաօդային ուժերի օդաչուներից պահանջել Է լիովին պատրաստ լինել դիմագրավելու «մինչեւ ատամները զինված հակառակորդի» գրոհները: Նա հետեւել Է տեղի ունեցած ռազմաօդային զինավարժանքներին եւ բարձր գնահատական Է տվել դրանց: Այդ մասին, ինչպես տեղեկացնում Է «Արմենպրես»-ը, նոյեմբերի 18-ին հայտնել Է Կորեայի կենտրոնական հեռագրական գործակալությունը:
«Մեր օդաչուները պետք Է պատրաստ լինեն այն բանին, որ պայքարեն մինչեւ ատամները զինված թշնամիների դեմ»,- մեջբերում Է գործակալությունը Կիմ Չեն Ունի խոսքը:
Դիտորդներն ուշադրություն են հրավիրել այն բանի վրա, որ զինավարժանքների մասին հաղորդագրությունը հրապարակվել Է այն բանից մեկ օր հետո, երբ ԱՄՆ-ը եւ Հարավային Կորեան հայտարարեցին, որ հետաձգում են ավելի վաղ պլանավորված համատեղ ռազմաօդային զորավարժությունները՝ նպաստելու համար ԿԺԴՀ-ի միջուկազերծման բանակցություններին:
ԱՄՆ-ի նախագահ Դոնալդ Թրամփը նախօրյակին Կիմ Չեն Ունի հետ մոտալուտ հանդիպման հույս Է հայտնել, հաղորդել Է «Ինտերֆաքս»:
Բաժանորդագրվեք մեր ալիքին Telegram-ում