Լոնդոնում փորձել են գողանալ Ռեմբրանդտի կտավները
12:13, 16 Նոյեմբեր 2019
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Լոնդոնի Դալիչի պատկերասրահից անհայտ անձինք փորձել են Rembrandt's Light ցուցադրությունից գողանալ հայտնի գեղանկարիչ Ռեմբրանդտի երկու կտավները: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, անվտանգության ազդանշանային համակարգի աշխատելուց անմիջապես հետո ոստիկանները ժամանել են պատկերասրահ:
Գողությունը նախաձեռնած անձինք կարողացել են դիմել փախուստի, իսկ Ռեմբրանդտի կտավները հայտնաբերվել են պատկերասրահի տարբեր հատվածներից:
Իրավապահները հետաքննություն են սկսել կատարվածի մանրամասները պարզելու նպատակով: Հետաքննության նպատակով որոշ ժամանակ ցուցադրությունը փակ կլինի այցելուների համար:
Բաժանորդագրվեք մեր ալիքին Telegram-ում