Պատիվ էր հավաքականի ավագը լինել այս խաղում. Համբարձումյան
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի հավաքականի պաշտպան Հովհաննես Համբարձումյանի կարծիքով երկրորդ կեսում ազգային ընտրանուն շատ քիչ բան պակասեց հանդիպման ընթացքը հավասարեցնելու համար:
«Առաջին կեսում մի քիչ լավ չգործեցինք: Սակայն հետո տեմպ հավաքելով կարողացանք պահեր ստեղծել: Երկրորդ կեսում մեզ միայն վերջին փոխանցումը և գոլը պակասեց, որ կարողանայինք հավասարել հանդիպման ընթացքը»,- «Արմենպրես»-ի հաղորդմամբ՝ լրագրողների հետ զրույցում ասաց ֆուտբոլիստը:
Համբարձումյանի խոսքով՝ յուրաքանչյուր մարզիչ իր մտահղացումներն ունի և այս անգամ ստացվեց այնպես, որ թիմը գործեց 5 պաշտպանով: «Ինձ համար մեծ պատիվ էր հավաքականի ավագը լինել այս խաղում, այն պարտավորեցնող էր»,-եզրափակեց նա:
Եվրոպայի առաջնության որակավորման նախավերջին տուրում Հայաստանի հավաքականը Երևանում հյուրընկալելով Հունաստանի պարտվեց 0:1 հաշվով:
Բաժանորդագրվեք մեր ալիքին Telegram-ում