Քաղաքապետարանը մասնակի նորոգել է Գր. Լուսավորիչ փողոց-Մաշտոց պողոտա խաչմերուկի ստորգետնյա անցումը
17:09, 15 Նոյեմբեր 2019
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Երևանի քաղաքապետարանի միջոցներով քաղաքացիների տեղաշարժը հարմարավետ դարձնելու նպատակով մասնակի նորոգվել է Գրիգոր Լուսավորիչ փողոցի և Մաշտոցի պողոտայի խաչմերուկում գտնվող ստորգետնյա հետիոտնային անցումը, թարմացվել է նաև լուսավորությունը: «Արմենպրես»-ի հաղորդմամբ՝ այս մասին նշված է Երևանի քաղաքապետարանի «Ֆեյսբուք»-ի էջում:
Այս տարվա ծրագրով նորոգվում են նաև Հալաբյան-Կիևյան, մետրոյի Մարշալ Բաղրամյան կայարան տանող, Ազատություն պողոտայի՝ Հաղթանակ զբոսայգու մուտքի հարակից ստորգետնյա անցումները:
Քաղաքապետարանը քաղաքացիներին հորդորել է լինել ուշադիր, չվնասել և պահպանել համայնքային գույքը:
Բաժանորդագրվեք մեր ալիքին Telegram-ում