Վահանյանը և Մովսիսյանը վետերանների ԱԱ-ի առաջատարներից են
10:06, 15 Նոյեմբեր 2019
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Վետերանների շախմատի աշխարհի առաջնությունում Հայաստանի ներկայացուցիչները շարունակում են հաջող ելույթները:
«Արմենպրես»-ի հաղորդմամբ` Ռումինիայում ընթացող աշխարհի առաջնության մինչև 50 տարեկանների մրցաշարի 3-րդ տուրում հաղթանակներ են տոնել Արտաշես Մինասյանը և Կարեն Մովսիսյանը: Կարեն Մովսիսյանը մի շարք առաջատարների թվում է և ունի 3 միավոր, իսկ Արտաշես Մինասյանն ունի 2,5 միավոր:
Մինչև 65 տարեկանների պայքարում Ռաֆայել Վահանյանը նույնպես հաղթանակ է տարել և այս տարիքային խմբի առաջատարներից է:
Վետերանների առաջնությունը կեզրափակվի նոյեմբերի 23-ին:
Բաժանորդագրվեք մեր ալիքին Telegram-ում