Հրշեջները մարել են «Դիլիջան ազգային պարկ»-ում բռնկված հրդեհը
21:57, 14 Նոյեմբեր 2019
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը նոյեմբերի 14-ին, ժամը 17:30-ին տեղեկություն է ստացել, որ «Դիլիջան ազգային պարկ» ՊՈԱԿ-ի 5-րդ պահաբաժնում հրդեհ է բռնկվել:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 18:12-ին, մարվել՝ 18:35-ին: Այրվել են մոտ 1500 քմ չորացած տերևներ, փայտի թափուկներ և մացառուտ:
Հրդեհաշիջման աշխատանքներին մասնակցել են 8 փրկարար ծառայող և «Դիլիջան ազգային պարկ» ՊՈԱԿ-ի մեկ աշխատակից:
Բաժանորդագրվեք մեր ալիքին Telegram-ում