Ընտրանին մարտական է տրամադրված. Համբարձումյան
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմը Հունաստանի դեմ խաղից առաջ մարտական է տրամադրված:
«Արմենպրես»-ի հաղորդմամբ` լրագրողների հետ հանդիպման ժամանակ նման կարծիք հայտնեց ընտրանու պաշտպան Հովհաննես Համբարձումյանը:
«Ես լավ մարզավիճակում եմ, հավաքականը ևս լավ մարզավիճակում է: Թեպետ ունենք ֆուտբոլիստների կորուստ, բայց ընտրանին մարտական է տրամադրված»,-շեշտեց նա:
Համբարձումյանի խոսքով` հույների մոտ մարզչական փոփոխությունից հետո առավել թիմային են գործում և հիմնական շեշտը դրված է հակագրոհների վրա: «Փորձելու ենք նրանց ուժեղ կողմերը փակելով, մեր ուժեղ կողմերը օգտագործենք»,-առանձնացրեց ֆուտբոլիստը:
Եվրոպայի առաջնության ընտրական փուլի նախավերջին տուրում Հայաստանի հավաքականը Վազգեն Սարգսյանի անվան Հանրապետական մարզադաշտում նոյեմբերի 15-ին կընդունի Հունաստանին: Հանդիպումը կմեկնարկի 21:00-ին:
Բաժանորդագրվեք մեր ալիքին Telegram-ում