ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: ԱՊՀ-ի երկրները կորոշեն զենքի եւ ռազմական տեխնիկայի նորոգման եւ տեխնիկական սպասարկման համատեղ աշխատանքի ուղղություններն ու ձեւերը: Այդ մասին, ինչպես տեղեկացնում Է «Արմենպրես»-ը, նոյեմբերի 14-ին հայտնել Է ՌԴ պաշտպանոության փոխնախարար բանակի գեներալ Դմիտրի Բուլգակովը՝ ելույթ ունենալով ԱՊՀ-ի պաշտպանության նախարարների խորհրդին առընթեր ռազմատեխնիկական կոմիտեի նիստում:

«Զգալի քանակությամբ միատիպ զենքի ու ռազմական տեխնիկայի առկայությունը, որոնցով հանդերձված են ԱՊՀ-ի մասնակից պետությունների բանակները, եւ դրանց նորոգման պահանջմունքները լայն հնարավորություններ են կանխորոշում Համագործակցության պետությունների պաշտպանության նախարարությունների եւ պրոֆիլային ձեռնարկությունների միջեւ փոխշահավետ կապերի հաստատման համար: Կոմիտեի որոշմանը համապատասխան, մոտ ապագայում կորոշվեն եւ հանգամանորեն կմշակվեն ռազմական տեխնիկայի ու զենքի տեխսպասարկման գծով փոխգործակցության ուղղություններն ու ձեւերը»,-ասել Է ՌԴ պաշտպանության փոխնախարարը, հաղորդել Է ՏԱՍՍ-ը: