Նոյեմբերի 14-ին սպասվող իրադարձությունները
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ նոյեմբերի 14-ին, ՀՀ ԱԺ-ում կշարունակվի հերթական քառօրյա նիստը:
Կկայանա ՀՀ ԱԺ նախագահ Արարատ Միրզոյանի եւ Ղազախստանի Հանրապետության խորհրդարանի Սենատի նախագահ Դարիգան Նազարբաեւայի հանդիպումը՝ ընդլայնված կազմով:
Կառավարությունում կանցկացվի գործադրի հերթական նիստը:
Լրագրողների հետ կհանդիպի Ստանդարտների ազգային ինստիտուտի տնօրենի պաշտոնակատար Ալբերտ Բաբայանը: Նա կներկայացնի ոլորտի ծրագրերը և կանդրադառնա խնդիրներին:
Վայոց Ձորի Արենի համայնքում Վայրի բնության և մշակութային արժեքների պահպանման հիմնադրամի (FPWC) կողմից կիրականացվի մեծ ծառատունկ։
Ֆրանսիայի դեսպանատանը կտրվի Գերմանիայից կամավոր վերադարձող հայ քաղաքացիների վերաինտեգրման գործընթացը ապահովող ծրագրի պաշտոնական մեկնարկը:
Հայաստանի ֆիզիկական կուլտուրայի և սպորտի պետական ինստիտուտում տեղի կունենա շաքարային դիաբետի դեմ պայքարի միջազգային օրվան նվիրված կլոր սեղան-քննարկում:
«Մուրացան» համալսարանական հիվանդանոցում բարեկարգված պայմաններով կբացվի Հայաստանում միակ մանկական էնդոկրին բաժանմունքը։
Նկարիչների միությունում կկայանա լուսանկարչական ցուցահանդես՝ նվիրված Չինաստանի Ժողովրդական Հանրապետության կազմավորման 70-ամյակին:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում