Մարգահովիտ գյուղի մոտ 300 քմ անտառածածկ տարածք և մոտ 200 քմ խոտածածկույթ է այրվել
19:35, 13 Նոյեմբեր 2019
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ ՀՀ արտակարգ իրավիճակների նախարարության «911» ծառայությունը նոյեմբերի 13-ին, ժամը 10:23-ին ահազանգ է ստացել, որ Լերմոնտովո-Մարգահովիտ ավտոճանապարհի մոտակայքում այրվում է խոտածածկ տարածք։
Դեպքի վայր են մեկնել ԱԻՆ փրկարար ծառայության մարզային փրկարարական վարչության և հրշեջ-փրկարարական ջոկատի օպերատիվ խմբերը:
Պարզվել է, որ հրդեհ է բռնկվել Լոռու մարզի Մարգահովիտ գյուղին հարակից սարալանջին։
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 11։31-ին, մարվել՝ 15։11-ին։
Այրվել է մոտ 300 քմ անտառածածկ տարածք և մոտ 200 քմ խոտածածկույթ։
Բաժանորդագրվեք մեր ալիքին Telegram-ում