Դիլիջանի շուկայի մոտակա անտառում այրվել է մոտ 2 հա խոտածածկույթ
12:05, 12 Նոյեմբեր 2019
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: «911» ծառայություն նոյեմբերի 11-ին, ժամը 22:02-ին տեղեկություն է հաղորդվել, որ հրդեհ է բռնկվել Տավուշի մարզի Դիլիջան քաղաքի շուկայի մոտակա անտառում:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երկու մարտական հաշվարկ և օպերատիվ խումբը:
Հրդեհը մեկուսացվել է նոյեմբերի 12-ին, ժամը 00:12-ին, մարվել՝ 01:23-ին:
Այրվել են մոտ 2 հա խոտածածկույթ, մացառուտ, 2 դեկորատիվ ծառ և 20 կոճղ:
Հրդեհաշիջման աշխատանքներին մասնակցել են 17 փրկարար ծառայող և «Դիլիջանի ազգային պարկ» ՊՈԱԿ-ի 8 աշխատակից:
Բաժանորդագրվեք մեր ալիքին Telegram-ում