Գորիսը ճանաչվել է տարվա լավագույն համայնք
13:25, 11 Նոյեմբեր 2019
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: «Լավագույն համայնք-2019» մրցույթում քաղաքային համայնքներից հաղթող է ճանաչվել Գորիսը:
Այս մասին «Արմենպրես»-ը տեղեկացավ Հայաստանի համայնքների միության «Ֆեյսբուք»-ի էջից:
«2019-ին Գորիսում կատարվել են լայնածավալ շինարարական աշխատանքներ, քաղաքը շարունակում է մնալ գրավիչ՝ ներդրողների և զբոսաշրջիկների համար: Այնտեղ վերակառուցվել է զբոսաշրջության զարգացման համար էական նշանակություն ունեցող Դիտակետ կոչվող տարածքը, Գորիսի կենտրոնական հրապարակը, Խնձորեսկ գյուղի խմելու ջրի հարցը վերջնականապես լուծվում է: Բարեկարգման աշխատանքներ են իրականացվել նաև համայնքի այլ բնակավայրերում: Այժմ համայնքն աշխատում է նաև բնակավայրերի բրենդավորման ուղղությամբ»,- նշված է հաղորդագրության մեջ:
Բաժանորդագրվեք մեր ալիքին Telegram-ում