Մարկոս Պիզելին հրաժեշտի խոսքով դիմել է «Ակտոբե»-ի երկրպագուներին
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Մարկոս Պիզելին հրաժեշտ է տվել «Ակտոբե»-ի երկրպագուներին:
«Տխուր եմ, որ հեռանում եմ ակումբից: Չեմ կարծում, որ հաջորդ մրցաշրջանում կվերադառնամ թիմ: Չգիտեմ, թե բանակցություններն ինչպես կընթանան, սակայն չեմ կարծում, որ այս տարի հետ կգամ»,-«Արմենպրես»-ի հաղորդմամբ` ասել է Պիզելին հրաժեշտի խոսքում:
Կիսապաշտպանի խոսքով` իր կարիերայում առաջին անգամն է, որ ակումբը, որտեղ նա հանդես է գալիս, մրցաշարային աղյուսակում զբաղեցնում է վերջին հորիզոնականը և դուրս մնում առաջնությունից: Ֆուտբոլիստը նաև շնորհակալություն է հայտնել «Ակտոբե»-ի երկրպագուներին և շեշտել, որ կկարոտի Կենտրոնական մարզադաշտը:
Մարկոս Պիզելին կրկին «Ակտոբե» վերադարձավ 2018 թվականին: Նա մինչ այդ ևս խաղացել է ղազախական ակումբի կազմում` 2014-16 թվականներին:
«Ակտոբե»-ն դուրս է մնացել Ղազախստանի առաջնությունից` մրցաշարային աղյուսակում զբաղեցնելով վերջին հորիզոնականը:
Բաժանորդագրվեք մեր ալիքին Telegram-ում