Մեծ Բրիտանիայի Համայնքների պալատի նոր խոսնակ Է ընտրվել Լինդսի Հոյլը
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 4-ի երեկոյան Մեծ Բրիտանիայի խորհրդարանի Համայնքների պալատի նոր խոսնակ Է ընտրվել սըր Լինդսի Հոյլը, որն ավելի վաղ զբաղեցրել Է փոխխոսնակի պաշտոնը, տեղեկացնում Է «Արմենպրես»-ը:
1997 թվականից Լեյբորիստական կուսակցությունից խորհրդարանի անդամ Հոյլը խոսնակի տեղակալի պաշտոնում ընտրվել Է 2010 թվականին: Նախորդ խոսնակ Ջոն Բերքոուի պաշտոնաթող լինելուց հետո, որն իր պաշտոնն զբաղեցրել Է տասը տարի, 62-ամյա Հոյլին համարում Էին առավել հավանական փոխարինողը: Հոյլին հաղթանակի առթիվ շնորհավորել են եւ վարչապետ Բորիս Ջոնսոնը՝ նշելով նոր խոսնակի բարությունն ու խելացիությունը, եւ ընդդիմության առաջնորդ Ջերեմի Քորբինը:
Ներկայիս կազմով խորհրդարանի խոսնակի պաշտոնում Հոյլը կլինի ընդամենը երկու օր: Նոյեմբերի վեցին խորհրդարանը կարձակվի դեկտեմբերի 12-ին նշանակված ընդհանուր ընտրությունների նախաշեմին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում