Թեհրանը կատարելագործված 30 նոր ցենտրիֆուգ Է գործարկել ուրանի հարստացման համար
15:07, 4 Նոյեմբեր 2019
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Իրանը 30 նոր ցենտրիֆուգ Է գործարկել ուրանի հարստացման համար եւ իր ձեռնարկություններում զգալիորեն ավելացրել Է ցածրհարստացված ուրանի արտադրությունը: Այդ մասին, ինչպես նոյեմբերի 4-ին հայտնել Է «Ալ Ջազիրա» հեռուստաալիքը, հաղորդել Է Իրանի ատոմային Էներգիայի կազմակերպության ղեկավար Ալի Աքբար Սալեհին, տեղեկացնում Է «Արմենպրես»-ը: Նրա խոսքով՝ Թեհրանը «ձեռնամուխ Է եղել կատարելագործված 30 նոր ցենտրիֆուգների գործարկմանը ուրանի հարստացման համար»: Սալեհին հավելել Է, որ վերջին երկու ամսվա ընթացքում երկրում ցածրհարստացված ուրանի արտադրությունն ավելացել Է տասն անգամ: «Մենք չԷինք պատրաստվում նման քայլեր ձեռնարկել, բայց Թեհրանի նկատմամբ Վաշինգտոնի սխալ քաղաքականությունը մեզ ստիպեց անել դա»,-նշել Է Իրանի ատոմային Էներգիայի կազմակերպության ղեկավարը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում