ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Կոնգրեսում դեմոկրատները պլանավորում են արդեն հաջորդ շաբաթ սկսել այն ցուցմունքների հրապարակումը, որոնք դռնփակ տրվել են Միացյալ Նահանգների նախագահ Դոնալդ Թրամփի պաշտոնազրման ընթացակարգի շրջանակում: Հոկտեմբերի 31-ին CNN հեռուստաընկերության եթերում այդ մասին հայտնել Է Կոնգրեսի Ներկայացուցիչների պալատի հետախուզության հատուկ կոմիտեի նախագահ Ադամ Շիֆը (դեմոկրատ Կալիֆոռնիայի նահանգից), տեղեկացնում Է «Արմենպրես»-ը:

Ներկայացուցիչների պալատը հոկտեմբերի 31-ին առաջին քվեարկությունն Է անցկացրել Թրամփի պաշտոնազրկման ընթացակարգի շրջանակում, որն ավելի վաղ նախաձեռնել Է Դեմոկրատական կուսակցությունը: Կոնգրեսի ստորին պալատը հավանություն Է տվել այն բանաձեւին, որը պաշտոնապես պաշտպանում Է ԱՄՆ-ի նախագահի գործողությունների հետաքննությունները: Այդ հետաքննություններն ընթանում են ընդհանուր առմամբ Ներկայացուցիչների պալատի վեց կոմիտեում, հաղորդել Է ՏԱՍՍ-ը: