Շախմատի տղամարդկանց թիմը հաղթեց Սլովենիային
19:31, 30 Հոկտեմբեր 2019
ԵՐԵՎԱՆ 30, ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց թիմը հաղթանակ տարավ Եվրոպայի թիմային առաջնության հերթական տուրում: «Արմենպրես»-ի հաղորդմամբ` Բաթումում ընթացող Եվրոպայի առաջնության 6-րդ տուրում ընտրանին մրցում էր Սլովենիայի հետ: Լևոն Արոնյանը և Հրանտ Մելքումյանը ոչ-ոքի ավարտեցին պարտիաները, իսկ Գաբրիել Սարգսյանը և Հայկ Մարտիրոսյանը հաղթանակ տոնեցին. Հայաստան-Սլովենիա 1-3:
Եվրոպայի թիմային 22-րդ առաջնությունն անցկացվում Վրաստանի Բաթում քաղաքում: Տղամարդկանց առաջնությանը մասնակցում է 40 երկրի 200 շախմատիստ, իսկ կանանցը` 32 երկրի 160 ներկայացուցիչ: Առաջնությունը բաղկացած է 9 տուրից և կեզրափակվի նոյեմբերի 2-ին:
Բաժանորդագրվեք մեր ալիքին Telegram-ում