Ճապոնիայում հեղեղումների պատճառով ավելի քան երեք հազար մարդ ստիպված է եղել գիշերել օդանավակայանում
11:29, 26 Հոկտեմբեր 2019
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ճապոնիա ժամանած շուրջ 3000 ուղևոր հորդառատ անձրևների ու դրանց հետևանքով առաջացած հեղեղումների պատճառով ստիպված են եղել գիշերել Նարիտա օդանավակայանում: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Հեղեղումների պատճառով խափանումներ են առաջացել օդանավակայանից տրանսպորտային փոխադրումների համար:
Օդանավակայանում գիշերած անձանց տրամադրվել են ծածկոցներ և սնունդ:
Հեղեղումների պատճառով Ճապոնիայի Տիբա պրեֆեկտուրայում մահացել է ինը մարդ, երկուսը համարվում են անհետ կորած:
Բաժանորդագրվեք մեր ալիքին Telegram-ում