Հռոմի պապի մակագրությամբ Harley Davidson-ը վաճառվել Է 42 հազար ֆունտով
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Ոսկեզօծված եւ Հռոմի պապի մակագրությամբ Harley Davidson մոտոցիկլետն աճուրդում վաճառվել Է 42 հազար ֆունտ ստեռլինգով (54,5 հազար դոլար), տեղեկացնում Է «Արմենպրես»-ը՝ հղում անելով BBC-ին:
Մոտոցիկլետը, որին «Սուրբ Դեւիդսոն» են անվանել «Բոնամս» (Bonhams) բրիտանական աճուրդի տան աշխատակիցները, նախագծել են գերմանական Վյուրցբուրգում՝ մոտոցիկլավարների ավստրիական հանրակցության համար, որն իրեն անվանում Է «Հիսուսի բայքերներ»:
Նրանք մոտոցիկլետը հանձնել են Պապի միսիոներական ընկերությունների տնօրինմանը: Հուլիսին այն բերել են Վատիկան, որտեղ դրա վրա մակագրել Է Հռոմի պապը:
Մոտոցիկլետի վաճառքից ստացված միջոցները կօգտագործվեն Ուգանդայում մանկատան եւ դպրոցի կառուցման, ինչպես նաեւ լքված ու ընչազուրկ երեխաներին բնակարանով ապահովելու համար:
Բաժանորդագրվեք մեր ալիքին Telegram-ում