ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը հոկտեմբերի 19-ին, ժամը 18։04-ին ահազանգ է ստացել, որ Տավուշի մարզի Լուսաձոր գյուղի վերջնամասում այրվում է խոտածածկ տարածք:

Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:

Պարզվել է, որ հրդեհը բռնկվել է «Քարի գլուխ» կոչվող հանդամասում:

Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 19:38-ին, մարվել՝ 20:41-ին: Այրվել է մոտ 3000 քմ մացառուտ և մեկ կաղնի:

Հրդեհաշիջման աշխատանքներին մասնակցել է «Հայանտառ» ՊՈԱԿ-ի «Սևքարի անտառտնտեսության» մասնաճյուղի 3 աշխատակից: