Փրկարարներն իրականացրել են ծխահեռացման աշխատանքներ
17:44, 19 Հոկտեմբեր 2019
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: «911» ծառայություն հոկտեմբերի 19-ին, ժամը 08:59-ին ահազանգ է ստացվել, որ Երևանի Ֆրունզեի փողոցի թիվ 8/6 հասցեում գտնվող սուրճի արտադրամասի պահեստում ծուխ է նկատվում:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, հրդեհի բարդության թիվ 2 կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից վեց մարտական հաշվարկ, որոնցից երեքն անհրաժեշտությունը վերանալու պատճառով վերադարձել է:
Պարզվել է, որ սուրճի արտադրամասում ծխացել է 0.5 խմ սուրճ (հրդեհի նշաններ չեն հայտնաբերվել):
Փրկարարներն իրականացրել են ծխահեռացման աշխատանքներ:
Բաժանորդագրվեք մեր ալիքին Telegram-ում