Նորք-Մարաշում այրվել է մոտ 2 հա բուսածածկույթ
19:39, 17 Հոկտեմբեր 2019
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը հոկտեմբերի 16-ին, ժամը 14:12-ին ահազանգ է ստացել, որ Երևանի Նորք-Մարաշի 17-րդ փողոցի տներից մեկի մոտակայքում այրվում է խոտածածկ տարածք:
Դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, hրդեհը մեկուսացվել է ժամը 15:30-ին, մարվել՝ 15:41-ին: Այրվել է մոտ 2 հա բուսածածկույթ:
Բաժանորդագրվեք մեր ալիքին Telegram-ում