Հոկտեմբերի 17-ին սպասվող իրադարձությունները
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հոկտեմբերի 17-ին, կկայանա ՀՀ կառավարության հերթական նիստը:
Երևանում կանցկացվի Բարձրագույն կրթության որակի ապահովման եվրոպական ասոցիացիայի 10-րդ ընդհանուր վեհաժողովը: Հայաստան կժամանեն կրթության որակի ապահովման 100-ից ավել հեղինակավոր մասնագետներ աշխարհի տարբեր երկրներից։
ՀՀ ԳԱԱ-ում իր աշխատանքները կսկսի «Գիտական աստիճաններ. դեպի եվրոպական ստանդարտներ» խորագրով երկօրյա աշխատաժողովը: Զեկույցներով հանդես կգան Եվրամիության անդամ երկրներից ժամանած փորձագետներ:
«Հերացի» թիվ 1 համալսարանական հիվանդանոցում կբացվի նոր բաժանմունք: Այնուհետև ԵՊԲՀ ռեկտոր Արմեն Մուրադյանն ու Արցախի առողջապահության նախարար Արայիկ Բաղրյանը կստորագրեն հուշագիր:
Ֆիլմի պրեմիերա Երևանում: «Ավրորա» ֆորումի շրջանակներում հանդիսատեսին կներկայացվի Ջիվան Ավետիսյանի «Դրախտի դարպասը» ֆիլմը:
Արամ Խաչատրյան համերգասրահում գինեսի ռեկորդակիր, միջազգային մրցույթների հաղթող, ջութակահար Նիկոլայ Մադոյանը հանդես կգա Հայաստանի պետական կամերային նվագախմբի հետ:
«Հոկտեմբերի 20-ին Երևանում կկայանա Noah Street Football Cup 2019 փողոցային ֆուտբոլի առաջնությունը: Միջոցառմանն ընդառաջ կազմակերպիչները հանդես կգան մամուլի ասուլիսով:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում