Մեր մրցակիցները. Իտալիան և Հունաստանը հաղթել են
09:06, 16 Հոկտեմբեր 2019
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Եվրոպայի 2020 թվականի առաջնության որակավորման J խմբում (որտեղ նաև Հայաստանի հավաքականն է) կայացան խմբի մյուս խաղերը:
«Արմենպրես»-ի հաղորդմամբ` Իտալիայի ազգային ընտրանին արտագնա խաղում ջախջախեց Լիխտենշտեյնին` 5 անպատասխան գնդակ ուղարկելով մրցակցի դարպասը:
Միաժամանակ կայացած խաղում վերջապես հաղթանակ տոնեց Հունաստանի հավաքականը, որն Աթենքում ընդունելով Բոսնիա և Հերցեգովինային առավելության հասավ 2:1 հաշվով:
Խմբի վերջին երկու տուրերի հանդիպումները կկայանան նոյեմբերի 15-ին և 18-ին:
Բաժանորդագրվեք մեր ալիքին Telegram-ում