ՀՀ օրաթերթ. Երեւանի պարարվեստի պետական քոլեջում ցանկանում են ժամանակակից պարի բաժին բացել
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է. «Երեւանի պարարվեստի պետական քոլեջի տնօրեն Հասմիկ Մարկոսյանը «ՀՀ»-ի հետ զրույցում ասել է, որ հաջորդ ուսումնական տարվանից միտք ունեն քոլեջում նոր բաժին բացել, որտեղ ժամանակակից պար կուսուցանեն: Այս պահին ուսումնական պլաններ են մշակում, որպեսզի հասատեն: «Պահանջարկ կա, իսկ մենք այդ հարցում հետ ենք մնում. Մոդեռն պարավոճի մասին է խոսքը: Մոդեռնի տարբեր ճյուղերն էլ կորոշեն այն անձինք, ովքեր կղեկավարեն բաժինը: Այս պահին քոլեջում գործում է դասական բաժին, որը մեր հիմնական բաժինն է եւ ունենք հայկական ժողովրդական բաժին եւ պարի ուսուցում: Վերջինում հաճախում են արդեն ավագ դպրոցն ավարտած ուսանողները»,-ասել է Մարկոսյանը:
Նյութն ամբողջությամբ կարդացեք թերթի այսօրվա համարում:
Բաժանորդագրվեք մեր ալիքին Telegram-ում