Բեռլինի իշխանությունները որոշել են 18 տեսարժան եւ կարեւոր օբյեկտներ պաշտպանել ահաբեկչությունից
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Բեռլինի իշխանությունները որոշել են ամրացնել եւ ուժեղացնել 18 տուրիստական օբյեկտների պահպանությունը ի դեպս հնարավոր ահաբեկչական գործողությունների: Այդ մասին, ինչպես տեղեկացնում Է «Արմենպրես»-ը, գրել Է Berliner Morgenpost թերթը՝ վկայակոչելով քաղաքային սենատի աղբյուրներ:
Նրանք նախատեսում են որպես օրինակ վերցնել Բրայտշայդպլատց հրապարակը Շառլոտտենբուրգի շրջանում, որտեղ փակոցներ են տեղադրել 2016 թվականի հոկտեմբերի 19-ին Սուրբծննդյան տոնավաճառում իրականացված ահաբեկչությունից հետո: Անվտանգության միջոցներն ուժեղացվելու են նաեւ Գումբոլդտ-Ֆորում թանգարանային համալիրի շուրջը, Ալեքսանդերպլատցում, Բրանդենբուրգյան դարպասների մոտ:
Քաղաքային պատգամավոր Անդրեաս Հայզելի ներկայացուցիչը ճշտել Է, որ պլանավորվում Է պաշտպանել ոչ միայն տուրիստական եւ առավել շատ հաճախվող վայրերը, այլեւ այն օբյեկտները, որոնք քաղաքական կամ խորհրդանշական կարեւորություն ունեն:
Անվտանգության միջոցների մշակման համար արդեն աշխատանքային խումբ Է ստեղծվել, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում