ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի 2019/2020 կանոնավոր առաջնության մեկնարկը կտրվի առաջիկա օրերին:

«Արմենպրես»-ի հաղորդմամբ`այս տարի ևս առաջնությանը կմասնակցեն 6 թիմեր Երևանից և մարզերից: Արդեն հայտնի են մեկնարկային տուրի հանդիպումները:

Հոկտեմբերի 18-ին նախկին «Միկա» մարզադահլիճում  կմրցեն գործող չեմպիոն «Արագած»-ն ու «ՖԻՄԱ»-ն (մեկնարկը 18:45-ին):  Հոկտեմբերի 19-ին ուժերը կչափեն «Երևան»-ն ու «Էրեբունի»-ն (մեկնարկը 20:00-ին), իսկ  հոկտեմբերի 20-ին տուրը կեզրափակվի Գյումրիում, որտեղ առաջին միավորների համար կպայքարեն  «Գյումրի»-ն և «Ուրարտու»-ն (մեկնարկը 16:00-ին): 

Մյուս տուրերի ժամանակացույցը դեռևս հստակեցված չէ:

Հայաստանի բասկետբոլի կանոնավոր առաջնության 2018/2019 մրցաշարի չեմպիոնն «Արագածն» է: