Վանաձորում փորձարկել են տարածաշրջանում նախադեպը չունեցող լուսաձայնային շատրվանները
10:26, 15 Հոկտեմբեր 2019
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Վանաձորում փորձարկվել են տարածաշրջանում նախադեպը չունեցող լուսաձայնային շատրվանները,որոնց կառուցման ֆինանսավորումն իրականացվում է ՀՀ կառավարության և Վանաձորի համայնքապետարանի միջոցներով: «Արմենպրես»-ի հաղորդմամբ, այս մասին «Ֆեյսբուք» սոցիալական ցանցի իր էջում գրել է Վանաձորի քաղաքապետ Մամիկոն Ասլանյանն ու ներկայացրել տեսանյութ։
ՀՀ վարչապետ Նիկոլ Փաշինյանն էլ այդ առնչությամբ «Ֆեյսբուք» սոցիալական ցանցի իր էջում գրել է, որ այն էֆեկտը, որը ստացվել է Գյումրիում, ստանալու են նաեւ Վանաձորում:
«Հոկտեմբերի 26-ը Վանաձորի օրն է: Բոլորով գնում ենք դբա լավը: Այս էֆեկտը հերթով ստանալու ենք բոլոր քաղաքներում»,-նշել է վարչապետը:
Բաժանորդագրվեք մեր ալիքին Telegram-ում