ԱՊՀ-ի երկրների ղեկավարների խորհրդի հաջորդ գագաթնաժողովը տեղի կունենա Տաշքենդում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: ԱՊՀ-ի երկրների ղեկավարների խորհրդի հաջորդ նիստը տեղի կունենա Տաշքենդում 2020 թվականի հոկտեմբերի 16-ին: Համապատասխան որոշումն ԱՊՀ-ի երկրների ղեկավարներն ընդունել են Աշխաբադում նեղ կազմով նիստի արդյունքներով, տեղեկացնում Է «Արմենպրես»-ը:
«Մեր փաստաթղթերին համապատասխան, հաջորդ օրացուցային տարում Համագործակցության նախագահությունը պետք Է անցնի Ուզբեկստանի Հանրապետությանը: Դուք գիտեք, որ Ուզբեկստանի նախագահը քանիցս հավաստել Է իր պատրաստակամությունը ապագա նախագահությանը: Ուզբեկստանի Հանրապետության ղեկավարությունն առաջարկում Է պետությունների ղեկավարներիխ խորհրդի հերթական նիստն անցկացնել 2020 թվականի հոկտեմբերի 16-ին Տաշքենդում»,-հայտնել Է ԱՊՀ-ի գործկոմի ղեկավար Սերգեյ Լեբեդեւը, հաղորդել Է ՌԻԱ Նովոստի գործակալույթունը:
Բաժանորդագրվեք մեր ալիքին Telegram-ում