Գևորգ Լոռեցյանն ընդունել է Բուլղարիայի սպորտի և երիտասարդության հարցերի փոխնախարարին
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարի տեղակալ Գևորգ Լոռեցյանը հոկտեմբերի 10-ին ընդունել է Բուլղարիայի սպորտի և երիտասարդության հարցերի փոխնախարար Նիկոլայ Պավլովին, որը Հայաստան է ժամանել Արևելյան գործընկերության 10-ամյակին նվիրված «Ապրել խելացի. հզորացնել երիտասարդներին» («Living Smart-Empowering Youth») համաժողովին մասնակցելու համար:
Ինչպես «Արմենպրես»-ին հայտնեցին ՀՀ ԿԳՄՍ նախարարությունից, կողմերը խոսել են ոլորտի հիմնահարցերից, երկրներում դրանց նմանություններից և քննարկել փոխադարձ հետաքրքրություն ներկայացնող այլ հարցեր սպորտի և երիտասարդության ոլորտում համագործակցության վերաբերյալ:
Գևորգ Լոռեցյանը ողջունել է Նիկոլայ Պավլովին և նշել, որ նմանատիպ հանդիպումները նպաստում են երկու երկրների միջև ձևավորված ոլորտային
համապարփակ համագործակցության հետագա զարգացմանը և ամրապնդմանը:
Բաժանորդագրվեք մեր ալիքին Telegram-ում