ԱՊՊԱ համակարգում համաձայնեցված գործընթաց կիրառելիս կօգտագործվեն թվային տեխնոլոգիաները
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: ԱՊՊԱ համակարգում համաձայնեցված գործընթաց կիրառելիս հնարավորություն կընձեռվի կարգավորումների մակարդակով օգտագործել նաև ժամանակակից թվային տեխնոլոգիաները:
«Արմենպրես»-ի փոխանցմամբ՝ այս մասին կառավարության որոշման նախագիծը գործադիրի հոկտեմբերի 10-ի նիստում ներկայացրեց ՀՀ ֆինանսների նախարար Ատոմ Ջանջուղազյանը:
«Նախագիծը մշակվել է Կենտրոնական բանկի կողմից և նպատակ ունի ԱՊՊԱ համակարգում համաձայնեցված գործընթաց կիրառելիս հնարավորություն ընձեռել կարգավորումների մակարդակով նաև ժամանակակից թվային տեխնոլոգիաներն օգտագործելու և նաև որոշակի հստակեցումներ են իրականացվել առանձին դրույթներում գործող կարգավորումների համատեքստում: Տրամաբանությունը պարզ է՝ կօգտագործվեն հավելվածներ, որոնք կբավարարեն բյուրոյի կողմից սահմանված պահանջներին»,- ասաց Ջանջուղազյանը:
Բաժանորդագրվեք մեր ալիքին Telegram-ում