Բնապահպանության և ընդերքի տեսչական մարմնի աշխատակիցները հայտնաբերել են ապօրինի հատված 56 ծառ
10:53, 10 Հոկտեմբեր 2019
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Բնապահպանության և ընդերքի տեսչական մարմնի բուսական աշխարհի վերահսկողության և Սյունիքի տարածքային բաժնի աշխատակիցները hոկտեմբերի 7-ին հերթական շրջայցի ընթացքում Խոտանան-Տանձավեր անտառամիջյան ճանապարհին հայտնաբերել են անհայտ անձի կողմից ապօրինի հատված տարբեր տրամագծերի կաղնի, բոխի, հացենի տեսակների 56 ծառ։
Ինչպես «Արմենպրես»-ին հայտնեցին ՀՀ բնապահպանության և ընդերքի տեսչական մարմնից, նախապատրաստված նյութերը փոխանցվել են ՀՀ ոստիկանության Սյունիքի մարզային վարչություն՝ իրավախախտում կատարած անձանց ինքնությունը պարզելու նպատակով։ Ապօրինի ծառահատումների դեմ պայքարի շրջանակներում իրականացվող ամենօրյա շրջայցերը շարունակվում են։
Բաժանորդագրվեք մեր ալիքին Telegram-ում