Ռիչարդ Գիրին կհանձնեն Ֆլորենցիայի խորհրդանշական բանալիները
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Ֆլորենցիայի հին դարպասի բանալիների ճշգրիտ պատճենը հանդիսավոր պայմաններում կհանձնեն ամերիկացի դերասան Ռիչարդ Գիրին նրա իրավապաշտպան գործունեության համար: Այդ մասին, ինչպես տեղեկացնում Է «Արմենպրես»-ը, հայտնել Է Ansa.it-ը:
Արարողությունը կկայանա երկուշաբթի օրը՝ հոկտեմբերի 14-ին: Մարդու իրավունքների պաշտպանության իր հանձնառությունը Գիրը դրսեւորեց ընթացիկ տարվա օգոստոսին. նա անձամբ սննդամթերք հասցրեց Միջերկրական ծովում միգրանտների փոխադրող իսպանական փրկարարական նավ, երբ հանգստանում Էր Իտալիայի Լամպեդուզա կղզում: Հանդիսավոր արարողությանը ներկա կլինեն Ֆլորենցիայի քաղաքագլուխ Դարիո Նարդելան, քաղաքային խորհրդի անդամներ, ելույթ կունենա Եվրոպական համալսարանի միգրացիոն քաղաքականության կենտրոնի տնօրեն պրոֆեսոր Էնդրյու Գեդեսը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում