Ժամանակը Երևանում՝ 11:07:36,   15 Հոկտեմբեր

Քիմ Քարդաշյանն արդյունավետ է համարում քաղաքական գործիչների ակտիվությունը սոցիալական ցանցերում

 Քիմ Քարդաշյանն արդյունավետ է համարում քաղաքական գործիչների ակտիվությունը 
սոցիալական ցանցերում

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Աշխարհահռչակ աստղ Քիմ Քարդաշյանն արդյունավետ է համարում քաղաքական գործիչների ակտիվությունը սոցիալական ցանցերում: Երևանում հայաստանյան լրատվամիջոցների հետ ճեպազրույցում պատասխանելով սոցիալական ցանցերում ՀՀ վարչապետ Նիկոլ Փաշինյանի ակտիվության մասին հարցին, Քարդաշյանը նկատեց, որ այն կարող է լինել շատ օգտակար, քանի որ շատ մարդիկ են այդ հարթակներում հաղորդակցվում:

«Կարող է լինել արդյունավետ, քանի որ սոցիալական ցանցերը մեծ հասանելիություն ունեն: Ինչու ոչ. չօգտագործելու պատճառ չեմ տեսնում: Լավ է, երբ քաղաքական գործիչները սոցիալական ցանցերում ակտիվ են, քանի որ շատ մարդիկ են այդ հարթակներում հաղորդակցվում: Կարծում եմ, որ դա կարող է օգտակար լինել»,- «Արմենպրես»-ի հաղորդմամբ՝ ասաց նա:

Քարդաշյանը Հայաստանում է իր չորս երեխաների, քրոջ՝ Քորթնիի և նրա երեք երեխաների հետ: Հոկտեմբերի 7-ին նրանք իրենց երեխաներին մկրտել են Մայր Աթոռ Սբ Էջմիածնում: Քարդաշյանը հոկտեմբերի 8-ին ելույթ է ունեցել Տեղեկատվական տեխնոլոգիաների համաշխարհային համաժողովին՝ WCIT 2019-ին:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ