Ֆուտբոլի ընտրանին սկսել է մարզական հավաքը
16:16, 7 Հոկտեմբեր 2019
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի ազգային թիմը սկսում է նախապատրաստությունը Լիխտենշտեյնի և Ֆինլանդիայի հետ խաղերին:
«Արմենպրես»-ի հաղորդմամբ` այս մասին հայտնում է ՀՖՖ-ն: Հրավիրված 25 ֆուտբոլիստից 20-ը արդեն հավաքականի ճամբարում են:
Հայաստանի ազգային հավաքականը հոկտեմբերի 7-ին ՀՖՖ Տեխնիկական կենտրոն/Ֆուտբոլի ակադեմիայում սկսեց մարզական հավաքը: Առայժմ բացակայում են Սարգիս Ադամյանը, Վարազդատ Հարոյանը, Ռումյան Հովսեփյանը, Տիգրան Բարսեղյանը և Արարատ Մոնրոն, ովքեր հավաքականին կմիանան երեկոյան և վաղը առավոտյան:
Մնացած 20 ֆուտբոլիստներն այսօր՝ ժամը 18:00-ին կանցկացնեն առաջին մարզումը:
Բաժանորդագրվեք մեր ալիքին Telegram-ում