Հոկտեմբերի 7-ին սպասվող իրադարձությունները
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հոկտեմբերի 7 –ին, Երևանում մեկնարկում է «WCIT 2019» տեղեկատվական տեխնոլոգիաների համաշխարհային համաժողովը: Այն Հայաստանում անցկացվում է ՀՀ կառավարության բարձր հովանու ներքո և աջակցությամբ։
ՀՀ բարձր տեխնոլոգիական արդյունաբերության նախարար Հակոբ Արշակյանի ուղեկցությամբ «WCIT 2019» համաժողովի ընթացքում Հայաստան ժամանած պատվիրակությունների ղեկավարներն ու անդամները կայցելեն «Դիջիթեք ԷՔՍՊՈ» կենտրոն: Այնտեղ նրանց կներկայացվի Հայաստանի տեխնոլոգիական ներուժը, հայկական ընկերությունների արտադրանքը:
ՀՀ Ազգային Ժողովի նախագահ Արարատ Միրզոյանի նախաձեռնությամբ կանցկացվեն փաստահավաք խորհրդարանական լսումներ՝ «Պետության կողմից «Հյուսիսային պողոտա-Կասկադ» ծրագրով բացառիկ գերակա հանրային շահ ճանաչելու հետեւանքով սեփականության իրավունքի ոտնահարման խնդիրները» թեմայով:
Քաղաքականության հետազոտական կենտրոնը կազմակերպում է քննարկում՝ Հայաստան-ԵՄ համագործակցության ներկայիս կարգավիճակի, սպասվող զարգացումների և քաղաքացիական հասարակության հնարավոր անելիքների վերաբերյալ:
Գրադարանավարի օրվա կապակցությամբ կկայանա գրադարանային ոլորտի մի խումբ աշխատակիցների պարգևատրման արարողությունը:
Մեկ այլ պարգևատրումների մասին: Թամանյանի անվան Ճարտարապետության թանգարանում կանցկացվի Ճարտարապետի օրվան նվիրված հանդիսավոր միջոցառում, կլինեն պարգևատրումներ:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում