ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: 2019 թվականին Վրաստանում ավելի շատ մարդ մահացել Է, քան ծնվել. ընթացիկ տարվա վեց ամսվա ընթացքում ծնվել Է շուրջ 23 հազար փոքրիկ, իսկ 24,5 հազարից ավելի մարդ մահացել Է: Այդ մասին, ինչպես տեղեկացնում Է «Արմենպրես»-ը, հայտնել Է Ajara TV-ն: Ամենից շատ մանկիկներ են ծնվել Թբիլիսիում՝ ավելի քան 7,5 հազար:

Վրաստանի մայրաքաղաքն առաջին տեղում Է նաեւ մահացության վիճակագրությամբ. կես տարում այստեղ 6,4 հազարից ավելի մարդ Է մահացել: Ծնված եւ մահացած քաղաքացիների թվաքանակով Թբիլիսիին հաջորդում Է Իմերեթի տարածաշրջանը: Այս երկրամասում վեց ամսվա ընթացքում ծնվել Է 2,8 հազարից ավելի մարդ, իսկ մահացել են ավելի քան 4,3 հազարը: Ինչ վերաբերում Է աջարական տարածաշրջանին, ապա այստեղ համապատասխան ժամանակաշրջանում ծնվել Է ավելի քան 2,6 հազար փոքրիկ, մահացել՝ 1,7 հազարից ավելի մարդ: Բնակչության բնական աճի դրական ցուցանիշ դիտվում Է Աջարիայում եւ Թբիլիսիում: Մահացածների թվաքանակը ծնվածների թվաքանակին գերազանցում Է Գուրիայի, Կախեթի, Մցխեթ-Մթիանեթի, Ռաչա-Լեչխումի եւ Քվեմո-Սվանեթի, Սամեգրելո-Զեմո Սվանեթի, Սամցխե-Ջավախքի, Քվեմո Քարթլիի եւ Շիդա Քարթլիի տարածաշրջաններում, հաղորդել Է Sputnik-ը: