Ժամանակը Երևանում՝ 11:07:36,   15 Հոկտեմբեր

Շիզոֆրենիան սովորել են ախտորոշել սմարթֆոնների միջոցով

Շիզոֆրենիան սովորել են ախտորոշել սմարթֆոնների միջոցով

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Մտագարությունը սովորել են ախտորոշել շարժական հեռախոսների միջոցով. հոգեկան խանգարումը որոշում Է շարժական հավելվածը, որն այժմ թեստավորվում Է մշակողների կողմից: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը՝ հղում անելով New Scientist-ին:

Հավելավածը կարող Է սմարթֆոնի տեսախցիկի միջոցով առավելագույն հավանականությամբ պարզել, թե մտագարության ախտանշաններ կան արդյոք մարդու մոտ: Ինչպես պարզվել Է, շարժական հեռախոսն արձագանքում Է այնպիսի հանգամանքների, ինչպիսիք են մարդու դեմքի արտահայտությունը եւ խոսքը:

Ինչպես հայտնի Է, շիզոֆրենիայի հիմնական ախտանշաններից մեկը հալյուցինացիաներն են, զառանցանքը եւ գիտակցության խառնաշփոթությունը: Մտագարների համար նաեւ բնորոշ են դեմքի «դատարկ» արտահայտությունը, թույլ տեսողական շփումը զրուցակցի հետ եւ միալար խոսքը:

Ուշագրավ Է, որ հավելվածն արդեն թեստավորվել Է 21 հիվանդների նկատմամբ: Եվ, որ զարմանալի Է, արդյունքները համընկել են ախտորոշման հետ: Այդ գիտափորձի արդյունքները ներկայացվել են Եվրոպայի նյարդահոգեդեղաբանության քոլեջի ամենամյա կոնգրեսում:

Ինչպես կարծում են մշակողները, առայժմ հետազոտությունն այնքան ընդգրկուն չԷ՝ խոսելու պաշտոնական ախտորոշման առումով այս տեխնոլոգիայի ներուժի մասին: Սակայն, ինչպես պնդում Է մեթոդիկայի հեղինակներից մեկը՝ պրոֆեսոր Իսահակ Գալացեր Լեւին, հետագայում պլանավորվում են ավելի ընդգրկուն փորձարկումներ եւ գիտափորձեր, հաղորդել Է Sputnik-ը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ