«Հայաստանի Հանրապետություն». Սահմանված ժամկետից ավելի բացակայող երեխաները մանկապարտեզից դուրս կմնան
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է.«Երեւանի քաղաքապետարանի հանրակրթության վարչության նախադպրոցական բաժնի պետ Նունե Սարգսյանը թերթին է ներկայացրել մանկապարտեզներում բացակայություններին վերաբերող խստացման պատճառը: Նա ասել է, որ բացակայությունների պատճառը հիմնականում քաղաքացիների անբարեխիղճ լինելն է: Նրանք առանց էական պատճառների երբեմն ամիսներ շարունակ կարող են երեխաներին մանկապարտեզ չտանել, մինչդեռ ուրիշ ծնողներ տարիներով զրկված են երեխային մանկապարտեզում տեղավորելու հնարավորությունից: Ահա թե ինչու բացակայությունների մասով խստացում կա: Սահմանված ժամկետից ավելի բացակայող երեխան մանկապարտեզից դուրս է մնալու: Փոփոխությունը, սակայն, անհանգստություն է առաջացրել ծնողների շրջանում: Նրանք մտավախություն ունեն, որ չհեռացվելու համար ծնողները ստիպված հիվանդ երեխաներին կուղարկեն մանկապարտեզ, որի հետեւանքով մյուսները եւս կկանգնեն առողջական խնդրի առաջ»:
Նյութն ամբողջությամբ կարդացեք թերթի այսօրվա համարում։
Բաժանորդագրվեք մեր ալիքին Telegram-ում