«Դաունթոնի աբբայությունը» կինոնկարն ԱՄՆ-ում դարձել Է վարձույթի առաջատարը
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: «Դաունթոնի աբբայությունը» լիամետրաժ ֆիլմը Հյուսիսային Ամերիկայում վարձույթի առաջատարն Է դարձել անցած հանգստյան օրերին հավաքելով 31 մլն դոլար: Այդ մասին, ինչպես տեղեկացնում Է «Արմենպրես»-ը, գրել Է The New York Times-ը:
Երկրորդ տեղում հայտնվել Է «Դեպի աստղեր» ժապավենը՝ Բրեդ Փիթի մասնակցությամբ՝ հավաքելով 19,2 մլն դոլար, երրորդում՝ «Ռեմբո. վերջին արյունը» մարտաֆիլմն Է՝ Սիլվեստր Ստալոնեի մասնակցությամբ (19 մլն դոլար): Focus Features կինոստուդիայում (մտնում Է Universal Pictures-ի մեջ) «Դաունթոնի աբբայությունը» ֆիլմի ստեղծողները կանխատեսում Էին, որ կինոնկարն առաջին հանգստյան օրերի ընթացքում կհավաքի մոտավորապես 20 մլն դոլար: Dow Jones-ի տվյալներով՝ կինոնկարի լսարանի 75 տոկոսը կազմել են կանայք, նրանց 60 տոկոսը եղել Է 30-ից բարձր տարիքի:
The New York Times-ը նշում Է, որ ժապավենի նկատմամբ հետաքրքրությունը խթանել Է անցած շաբաթ NBC-ով վավերագրական հաղորդումը դրա նկարահանումների վերաբերյալ, ինչպես նաեւ հատուկ ակցիան. Հայքլեր դղյակի սեփականատերերը, որտեղ նկարահանել են ֆիլմը եւ Քրոուլիների ընտանիքի մասին սերիալը, նոյեմբերի 26-ին երկու հոգու մեկ գիշերով սենյակ կտան 150 ֆունտով: Ամրագրումը կսկսվի հոկտեմբերի 1-ի կեսգիշերին: Հաջողակներին կոկտեյլի եւ ընթրիքի կհրավիրեն Կառնարվոն կոմսերի հետ, առավոտյան նրանց խոստանում են անգլիական նախաճաշ եւ Էքսկուրսիա՝ կալվածքում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում