Արարատի մարզի Նորամարգ գյուղում այրվել է մոտ 200 հակ անասնակեր
21:36, 20 Սեպտեմբեր 2019
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը սեպտեմբերի 20-ին, ժամը 13:20-ին ահազանգ է ստացել, որ Արարատի մարզի Նորամարգ գյուղի մշակույթի տան հարևանությամբ այրվում է խոտածածկ տարածք:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Նորամարգ գյուղի Ազատության փողոցի տներից մեկի բակում:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 14:03 -ին, մարվել՝ 15:57 -ին: Այրվել է մոտ 200 հակ անասնակեր:
Բաժանորդագրվեք մեր ալիքին Telegram-ում