Ինեկոբանկը իրականացնում է դրամային և դոլարային պարտատոմսերի տեղաբաշխում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Սույն թվականի սեպտեմբերի 17-ին Ինեկոբանկը հայտարարեց դրամային և դոլարային պարտատոմսերի տեղաբաշխման մեկնարկի մասին:
«Արմենպրես»-ի փոխանցմամբ՝ թողարկման շրջանակներում տեղաբաշխվելու է 1.5 մլրդ դրամ ծավալով դրամային և 5 մլն ԱՄՆ դոլար ծավալով դոլարային պարտատոմս, որոնց տարեկան արժեկտրոնային եկամտաբերությունը կազմում է համապատասխանաբար 9,75% և 5,25%:
Պարտատոմսերի տեղաբաշխումն իրականացվելու է 2019 թվականի սեպտեմբերի 23-ի ժամը 10:00-ից մինչև 2019 թվականի դեկտեմբերի 23-ը ժամը 16:30-ն ընկած ժամանակահատվածում, բաց բաժանորդագրության միջոցով: Շրջանառման ժամկետը դրամային պարտատոմսերի համար 36 ամիս է, իսկ դոլարայինի՝ 24 ամիս։ Արժեկտրոնի վճարման պարբերականությունը կիսամյակային է։
Պարտատոմսերի թողարկման ազդագրին և վերջնական պայմաններին հաճախորդները կարող են ծանոթանալ Ինեկոբանկի պաշտոնական կայքից՝ https://www.inecobank.am/hy/shareholders-investors/bonds ։
---
ԻՆԵԿՈԲԱՆԿԻ ՄԱՍԻՆ
«Ինեկոբանկ» ՓԲԸ-ը, հանդիսանալով Հարավային Կովկասի առաջատար բանկերից մեկը, մատուցում է համալիր բանկային, ինչպես նաև թվային բանկային ծառայություններ անհատներին, ՓՄՁ և խոշոր կազմակերպություններին։ Շուրջ 23 տարի բանկը տրամադրում է բարձրորակ բանկային ծառայություններ Հայաստանում՝ սպասարկելով ավելի քան 500 000 հաճախորդի, որոնցից մոտ 200 000-ին` թվային ուղիներով:
Իր գործունեության ընթացքում Ինեկոբանկը մշակել և մատուցել է ոլորտի առաջատար թվային բանկային լուծումներ՝ նպատակ ունենալով ներդնել ամբողջովին նոր բանկային ծառայություններ։
- 2009թ. առաջինը Հայաստանում ներդրել է «Ապառիկ տեղում» թվայնացված և ամբողջովին ավտոմատացված ծրագիրը, որն ապրանքի ապառիկ գնման գործընթացը 3-4 օրից կրճատել է մինչև մի քանի րոպեի։
- 2012թ. իր InecoOnline համակարգի շնորհիվ առաջիններից մեկն էր, որ ապահովել է գործարքների կատարումը 24/7 ռեժիմով:
- 2014թ. ներդրել է InecoMobile բջջային հավելվածը, որն իր հնարավորությունների և օգտագործման պարզության շնորհիվ այսօր ունի ամենաշատ օգտատերերը հայաստանյան ֆինանսական հավելվածների շարքում։
- 2017թ. բանկն առաջինն էր, որ ներդրել է ամբողջովին ավտոմատացված վարկավորման գործընթաց իր օնլայն և մոբայլ հավելվածների միջոցով: Արդյունքում վարկերը տրամադրվում են հաճախորդներին 24/7 ռեժիմով:
- 2018թ. առաջինը բանկային համակարգում գործարկել է նորարարական ու ժամանակակից InecoPay վճարային համակարգը, որը հնարավորություն է տալիս վճարումներ իրականացնել սմարթֆոնի միջոցով:
- Առաջին ամբողջական թվային բանկը Հայաստանում, որը անհատներին ապահովում է թվային ամբողջական լուծումներ՝ վճարումներ, վարկավորում, խնայողություններ և այլ հարակից ծառայություններ 24/7 հասանելիությամբ։
Բաժանորդագրվեք մեր ալիքին Telegram-ում